الأربعاء، 22 يناير 2014

باسطا بفلان وصفة سهلة ورائعة جداااا


باسطا بفلان وصفة سهلة ورائعة جداااا



السلام عليكم ورحمة الله وبركاته 

يومكم سعيد حبيباتي نتمنى تكونو جميع في أحسن الأحوال 

هادي الوصفة لي قدمت حصريا لبرنامج لالة مولاتي نتمنى تجربوها وتعجبكم إن شاء الله 

بسم الله على بركة الله غادي نعطيكم مقادير العجين حتى بالغرام

مقادير العجين : 2 كيسان دقيق = 170 غ 

2 بيضات + 2 م ك سكر = 40 غ + 1م ك زبدة = 40 غ + م ص خميرة الحلوى = 5 غ 

مقادير التفاح : 4 حبات تفاح محكوك + نصف كأس ماء + م ك قرفة + 2 م ك سكر 

مقادير فلان : 1 ليتر ونصف حليب + 5 فلان شينو + 5 م ك سكر أو حسب الدوق 

الطريقة :  اولا  نعمل التفاح محكوك في مقلات ونضيف السكر والماء والقرفة ونخليه يطيب حتى ينشف 
 
 
 طريقة العجين : نطرب البيض مع الزبدة والسكر غير حتى تدوب الزبدة ومندخلش الهوا للخليط 
ثم نضيف الدقيق والخميرة ونخلط وندهن صينية الفرن بالزبدة هادي قطرها 38 سنتيم 

 بنعمل فيها الخليط وتسعو شوية خاطركم ههههههه معاها

العجينة كتجي رقيييية ندخلها لفرن ساخن مسبقا على 180 درجة


 غير تنشف شوية ونخرجها ونضيف عليها التفاح لي طيبنا ونردها للفرن تكمل طيابها مكتاخدش وقت بزاف




منين نخرجها نخليها تبرد ونوجد الفلان بالطريقة العادية بلا مانخليه يغلي يوصل تقريبا لدرجة الغليان 

ونخويه فوق على الباسطا فوق م ك باش ميثقبش العجين والتفاح وندخلها للثلاجة تبرد مزيان 

منين تبرد نقطع أشكال حسب الرغبة أنا هنا عملت مرشم دائري مشرف والمستطيلات قطعتهم غير بالموس
 

زينتهم بشرائح من المشماش اليابس ونصف عنبة وشكلاط محكوك لي فيهم العنب عملت فوقهم شوية النباج باش يعطي لمعة 

والمستطيلات عملت فوقهم شكلاط محكوك ورشيشة من السكر بودرة

 
 
نتمنى وصفتي تنال إعجابكم وتجربوها وأمانة عليكم لا تنسوني من صالح دعائكم  ولكم بالمثل بحول الله 


ليست هناك تعليقات:

إرسال تعليق