الأربعاء، 22 يناير 2014

كراتان البطاطا وكويرات الكفتة


كراتان البطاطا وكويرات الكفتة



السلام عليكم ورحمة الله وبركاته 

اتمناكم جميعا بخير وسلامة 

هاد الكراتان بسيط ولذيذ نتمنى يعجبكم إن شاء الله 

المقادير : 200 غ كفتة + 1 بيضة + 3 م ك خبز محمص محكوك + نصف م ص تحميرة + نصف م ص كامون + ربع م ص إبزار + ربع م ص سكنجبير + م ك قزبور + ملح حسب الذوق 
الطريقة : نخلط البيضة مع كل التوابل ثم نضيفهم على الكفتة ثم نضيف الخبز المحمص ونعمل منها كويرات

نعمل 2 م ك زيت في مقلة ونحمرهم من جميع الجهات

مقادير وطريقة الصلصة : ندبل 1 بصلة مقطعة  رقيقة مع الملح في نفس المقلة لي حمرت فيها الكفتة ثم نضيف 2 ضريسات ثوم محكوكين ونخليهم يدبالو مزيان ثم نضيف شوية تحميرة + شوية كامون + شوية زعتر + شوية إبزار ونحرك وحد الدقيقة تقريبا 
ونضيف 2 حباب طماطم مقطعة مكعبات صغيرة ونعلي النار ونبقى نحرك مرة مرة غير تدبال نضيف عليه 2 م ك صلصة الطماطم ونخليه 5 دقيق اخرى ونطفي عليها



مقاديروطريقة  البطاطا : 3 حبات بطاطا كبيرة مسلوقة في ماء مملح ومطحونة في الطحانة اليدوية ثم نضيف لها الملح وشوية كامون 
ونبسطها في صينية الفرن كيف واضح في الصورة  
ونضيف عليها صلصة الطماطم لي حضرت من قبل 


نزل الكفتة ونعمل البطاطا بين الكفتة 

وشوية موزاريلا فوق الكفتة وندخلها للفرن غير تتحمر شوية
وهاهي واجدة بالصحة والراحة

اتمنى وصفتي تنال إعجابكم 

لا تنسوني من صالح الدعاء

ليست هناك تعليقات:

إرسال تعليق