Loading...

الخميس، 6 فبراير 2014

طريقة تحضير الشعرية بالدجاج بالصور



الشعرية بالدجاج
طريقة تحضير الشعرية بالدجاج بالصور
الشعرية بقشاوش ديال الدجاج ساهلة ماهلة


مقادير الشعرية بالدجاج
بصلة+قطع الدجاج+1الطماطم+الربيع(القزبر والمعدنوس)+التوابل+الزيت+السمن+الشعرية+الثوم
طريقة تحضير الشعرية بالدجاج بالصور
في الكوكوت نقطع البصلة
تم نضيف الدجاج
ونضيف مطيشة مقطعة والربيع وريوس توم محكوك وملح وبزار وتحميرة وسكنجبير وشوية شوية كامون و2معالق كبار زيت العود وشوية ديال السمن 
تم نروي بالماء القدر لي غيطيب داكشي ويبقى لينا الماء حيت من بعد غنرميو فيه الشعرية ونغلق الكوكوت تقريبا تلت ساعة لما نفتح الكوكوت نزيل القشاوش من الكوكوت ونضع في الكوكوت معلقة صغيرة مطيشة ديال الحك ونرمي الشعرية ونحاولو ندوقو الملح واش هي هاديك ونشوفو واش الماء كافي لطياب الشعرية الى مكانش كافي نضيف الماء الغليان ونتركها تطيب على مهلها منين تطيب نضيف شوية شوية سمن ونحرك تم نطفي البوطة مباشرة بعد التحراك 
ملاحظة السمن لي زدنا في الاخير راه غير شوية كيف قلت ليكم متكتروش حيت متنساوش راه طيبنا بيه في الاول هاد السمن الاخير للبنة فقط وهادا هو سر هاد الشعرية 
هاهي طابت 
واهنا ردينا القشاوش من الفوق وغطينا الكوكوت
هاهي الشعرية بالدجاج

هاهو الشكل النهائي للشعرية

ليست هناك تعليقات:

إرسال تعليق