السلام عليكم ورحمة الله تعالى وبركاته
:المقادير
كرعين بقري مغسولين مزيان الكمية اللى تكفيك انا عملت واحد ونص+4ضروس ثومة معجنة+ملح+ابزار+كمون+(فلفلة حلوة .طحميرة)+خرقوم+زيت بلدية+شوي سكنجبير+2بصلات كبار مشلظين رقيق+قزبور ومعدنوس مربطين+كاس متوسط روز+زليفة صغيرة زبيب مغسول مزيان
:الطريقة
كنعملو الكرعين فطنجرة الظغط كنضيفو الزيت والثوم والعطرية والبصلة ونشحروهم مزيان ثم كنظيفو لهم قياس فاش اطيبو ديال الماء ونسدو عليهم
فاش اكونو طابو كنظيفو الروز فكموسة ديال ثوب دحياتي وزبيب مغسول مزيان وربيع مربط ونسدو عليهم واحد نص ساعة
فاش كيطيبو وتعلك المريقة كنزولو ربيع ونسربيوهم كيف ما هو فالصورة
اللهم ادمها نعمة واحفظها من الزوال
ليست هناك تعليقات:
إرسال تعليق