تعالو مملحات على شكل طويجنات هدية مني لانيقاتي الغاليات

السلام عليكم ورحمة الله تعالى وبركاته
نهاركم مبروك اخواتي
اليوم عدلت هذ المملحات وقلت نزلهم ليكم تشوفوهم وتعطيوني رايكم

العجينة
500غ الفورص
200غ الزبدة مدوبة
4 معالق كباردانون مسوس او قشدة طرية
ملح
م ك خمير الخبز
كاس كبير الحليب دافئ للعجن الى مكفاش زيدو ماء دافي اناجاني الحد في القد
نعجنو العجينة ونخليوها ترتاح بعدمانعملوه اكويرات

الحشوة
لكن الاختيارفي الحشوة اللي تنفضلوها
انا عملت
كبده الدجاج+ الكناصي / 2 جزرات كبار محكوكين / 2 كرعه خضرا محكوكه /بصله متوسطه مشلظه
2 ضروس ثوم /الربيع مقطع و التوابل
بالنسبه لي الكبده والناصي كتكون مجمده تنسلقها فالماء + ضرس ثوم مقسوم واوراق سيدنا موسى او الهيل او حتى عويدات القرفه
ثم تصفى و تقطع رقيقه و ندير البصله + الثوم +2 معالق كبار زبده
غير تبدا البصله تنزل نزيد الكبده والكناصي نخليها تشحر شويه عاد باش نزيد الخضر
و كنزيد على التوابل ملح ابزار سكنجبير و معلقه كبيره تحميره / الهريسه
نصف معلقه صغيره قرفه
للدهن نحتاجو بيضة + معلقة موتارد



في امان الله حبيباتي
والقادم اجمل باذن الله