Loading...

الاثنين، 30 يونيو، 2014

chiken warps




اللهم صل على حبيب الامة وشفعها سيدنا محمد وعلى اله وصحبه اجمعين

بسم الله الرحمن الرحيم

اخواتي في الله كنضن الاكترية تيدي وليداتو لماكدونالد بزز والاكترية احنا الامهات مانعين بحال هد المأكولات السريعة لي تتوجد على برا ...... اليوم بغيت نشارككم طريقتي الخاصة فتحضير
wraps chicken وصراحة تيجي احسن الف مرة من تاع الزنقة ندوزا للمقادير والطريقة

بسم الله وعلى بركة الله

عجين الخبز العربي او البطبوط الكل تبارك الله تيعرف ليه
انا استعملت هنا السميدة مخلطة مع فورص وشوية خميرة الخبز وخمارة واحدة وملح وطبعا الماء دافئ باش نجمع العجين
خدمتها مزيان وخليتها ترتاح وورقتها بالمدلك وقطعتها فشكل مستطيل

تم خليتها تخمر


مقادير الحشوة


نصف كيلو كفتة الدجاج او لاداند
معلقة كبيرة موطارد
ملح ابزار معلقة كبيرة من العطرية المكسيكية معلقة صغيرة ابزار
معلقة صغيرة قزبور حبوب مطحون 
بيضة
150غ من الفرماج المحكوك

تنخلط البيض والكفتة والتوابل


نزيد الفرماج محكوك و2 معالق كبار من الخبز المحمص لاشابلير


ونخلط الكل مزيان


ندوزا للطريقة والمقادير التانية
خبز محمص شوية فورص البيض مطرب فرماج مربع


تناخد شوية من الحشوة ونسرحها نعمل طرف تاع الفرماج

نجمعها

ونمرمدها فالبيض مزيان

تم الدقيق

تم البيض للمرة التانية

تم الخبز المحمص لاشابلير


نسخن الزيت مزيااان ونبدى نقلي فيهم


الصلصة المرافقة
دانون مسوس شوية الربيع مكرد شوية الملح ابزار تومة صغيرة محكوكة وشوية الكورنيشون مقطع قطع صغيرة وخلطتهم مزيان


هنا الخبز ديالي واجد


خديت شوية الخص مغسول ومستقطر وقطعتوا قطع صغيرة والصلصة وكروكيت الدجاج

خديت الخبز وفتحتوا من الفوق وعمرت بلاصوص وقطع الخص تم الكروكيت لي قسمت على زوج وتنقدموا بارد يعني بلا منحتاج نسخنوا او نعملوا فالة البانيني 







بريوات بالبطاطا و الكروفيت

كيف حالكم لاباس عليكم نتمنى ان شاء الله تكونو كولكوم بخير و علا خير
اليوم غنحط ليكم بريوات بالبطاطا و الكروفيت مكاين مسهل منهم و هائلين في المداق معمركم تستغناو عليهم مزال الا جربتوهوم
باركا من الهضرة و نمشيو للوصفة



المقادير:

البطاطا علا حسب عدد الاشخاص
الكروفيت الصغير ديال الشلاضة
ورقة البسطيلة
فرماج الدهن (لا فاش كي ري)
فرماج حمر محكوك
القزبور و المعدنوس مكرضين
الملح
الكامون
ليبزار
زيت القلي



طريقة التحضير:

ناخدو البطاطا و نديروها تصلق مع الملح



ملي طيب كنصفيوها من الماء و نوضعوها فشي اناء



كنضيفو ليها الكامون و ليبزار و فرماج الدهن و القزبور و المعدنوس مكرضين



و كنمعسو كولشي و نخلطو حتا نحصلو علا خليط بحال هكا



و من بعد كنضيو الفرماج المحكوك و كنخلطو مزيان





و من بعد كنضيفو الكروفيت و نخلطو جيدا و هاهي الحشوة وجدات



دبا غنبداو نعمرو البريوات و نجمعو حتا نساليو كاع الحشوة اما غنعملوهم متلتات او علا شكل اصابع لي حبيتو





دبا ساليت الحشوة كولها



غنديرو شويا ديال الزيت في المقلة حتا تسخن مزيان و نبداو نقليو حتا نساليو كاع البريوات ديالنا



و هاهما واجدين بالصحة و الراحة








مسقعة



مسقعة

مسقعة




المقادير 

البطاطس + كفتة + مطيشة مطحونة + 1 ضامة البنة + 2 م ك مطيشة معجونة + الثوم + بوتنجالة + البصل + ملح
1 م ص كوزة محكوكة + 1 م ص قرفة + يبزار ابيض 
صلصة بشاميل
50 غ زبدة + 50 ع دقيق + 700 مل حليب + ملح + شوية كوزة محكوكة + جبن محكوك


الطريقة 


قليت كفتة مزيان في شوية زيت ضيفت عليها البصل مقطع و الثوم محكوكة و ملح ثم بوتنجال مقطع مربعات و قالتو مزيان و ضيفت مطيشة مطحونة و المعجون و القرفة و كوزة و ضامة البنة ضيفت شوية ما و خليتوم يطيبو و صلقت البطاط نصف صلق


دوبت زبدة و ضيفت دقيق و كوزة و ملح ثم حليب و انا كانحرك حتى تقالت 


دهنت صنية ديال الفرن بالزبدة عملت نصف كمية البطاط ثم نصف صلصة ثم نصف صلصة البشاميل و نصف اخر ضيفت عليه الجبن محكوك


كررت العملية دخلت الصنية لفران حتى تحمرت بالصحة و الراحة





پيتزا صحية بمقادير جديدة


سلام عليكم و رحمة الله تعالى وبركاته
مقادير العجين : 1 بيضة+ زلافة فورص+ ملح+ معلقة كبيرة سكين جبير+2معالق حليب+معلقة كبيرة او جوج زيت زيتون+حفنة زيتون اخضر واسود مقطعين صغار+معلقة صغيرة خميرة الخبز
الحشوة : بصل+فلفل+كفتة او دجاج انا درتهوم بجوج+صوص طوماط+توابل(ملح+بزار+كمون+تحميرة )
للتزيين:فرماج+زعتر
فإناء نديرو دقيق مع البيضة وسكين جبير و الملح والخميرة دايبا فشوييييية حليب تم نبسسوه بزيت ونضيفو معلقة حليب نخليوها ترتاح 15 دقيقة نقليو الخضرة و لكفتة و دجاج مع توابل
نطلقو العجينة بدلاك وشوي دقيق علا شكل مستطيل و نتقبوها بالفرشيطة ثم نخليوها ترتاح 15 دقيقة او 20
تم ندخلوها للفرن طيب مين طيب من التحت نرجعوها تحمر شوييييية من الفوق عاد نديرولها صوص طوماط الحشوة تم الفرماج وزعتر ونرجعوها للفرن باش يتحمر الفرماج
نتمنى تعجبكوم و تجربوها راه كتجي زويييييينة