Loading...

الاثنين، 30 يونيو، 2014

شهيوات لي وجدت لرمضان



السلام عليكم



مبروك عواشركم ,


الله يدخلو علينا بالصحة و الهناء , و يوفقنا في صيامه وفي تأدية شعائره على اكمل وجه يا رب.



اليوم غادا نزل ليكم الشهيوات لي وجدت لرمضان ان شاء الله و دعيو معايا بشي دعيوة الخير .



الميني كيش سوفلي:


عجينة مورقة, 250 مل حليب , 20 غ مايزينا , 3بيضات " الصفر مفروق على الابيض" , 50 غ فروماج احمر محكوك , شوية لاداند فومي مقطعة طراف صغااار , ملح و بزار , الطون



نطلعو ابيض البيض مع رشة ملححتى يولي مثل الثلج ونحتافظو به جانبا .



نخلطو الحليب مع مايزينا , الملح و البزار...نخليوهم فوق نار مهيلة مع التحريك حتى يتقال الخليط .



نحيدوه من فوق النار و نضيفو ليه الفروماج محكوك, و اصفر البيض وحدة بوحدة , مع التحريك ثم نضيف ابيض البيض شوية بشوية و نحاولو نخلطو

غي بشوية حتى يتجانس الخليط.








نقسمو الخليط على 2




واحد نضيفو ليه لاداند فومي , و الاخر نضيفو ليه الطون و الكورجيت نكونو شحرناها مع

بصيلة وشوية الزيت والملح والابزار









نسرحو العجينة ديالنا و نقطعوها و نثقبوها بالفورشيط
 و نستفوها فمول الكب كيك الصغير, ثم نعمروها بالحشوة ديالنا .













خبز السندويش



العجينة الذهبية:



2,5 كيسان كبار دقيق ~ 1م كبيرة خميرة العجين~ 1 م كبيرة خميرة الحلوى ~ 3 م معالق كبارسنيدة ~ ½ كاس كبير حليب ~ ¼ كاس كبيرزيت او زبدة ~ 1 دانون مسوس ~ ملح



(يمكن يخصك شوية ديال الدقيق على حسب الدقيق واش كايشرب ولا لا )



نخليوها ترتاح 10 دق و نخدمو بها .



ندهنوهم بشوية الحليب مع نقيطات من الخل ونخليوهم اخمرو شوية













ميني بيتزا 




العجينة :



انا استعملت نفس العجينة لي قاديت بها خبز الساندويش



للصوص غا نحتاجو مطيشة و شوية بصلة و ثومة وزويتة بلدية و ملح و بزار 



وفي الحشوة استعملت فواحد الشكل الطون والشومنيون و فلفلة حلوة حمراء و الزيتون.



و الشكل الثاني الكروفيت و والشومنيون والمايس


وشوية الزعتر



الى كنتو باغيين تكونجليوهم من الاحسن تخليو الفروماج حتى تبغيو تسخنوهم عاد زيدوه















شنيك مالح



عجينة مورقة او اي عجينة كا تفضليها ~ صوص البيتزا~ الزيتون ~ شوية زعتر~ الفروماج محكوك ~ الطون او الكفتة .




نسرحو العجينة , و نسرحو فوقها الصوص ثم باقي المكونات






ونحاولو لويوها بحال الشنيك 





ثم من بعد تقطعيها دوائر بحال الشنيك , من الاحسن تقطعيها بالخيط باش اجيو دوائر مقادين 





ندهنوهم باصفر البيضو ندخلوهم يطيبو 



و نفس الشيء حتى تبغي تقدميهم عاد زيدي الفروماج محكوك من الفوق












مسيمنات و محينشات معمرين بالكروفيت والشعرية الصينية



استعملت عجينة المسمن 




و في الحشوة استعملت مطيشة محكوكة , شوية ثومة محكوكة ,كروفيت, 
شوية الربيع , ملح,ابزار, طحميرة , زيت , شوية شعرية صينية مقطعة 




في التعمار ديال المسيمنة ديرو وحدة وسط وحدة



فاش نساليو التعمار, ندهنوهم باصفر البيض وندخلهم للفران .












مادلين بالشكلاط 



4 بيضات ~ 180 غ سكر~ 220 دقيق مغربل~ 100 غزبدة دايبة ~ 2 معالق صغار خميرة الحلوى ~ 1 فاني~ رشة ملح~ 100 غ شكلاط دايب في حمام مريم


نسخنو الفرن , و نبداو في تحضير المادلين 


نطربو البيض مع السكر حتى نحصلو على خليط مثل لكريمة,


نضيفو الدقيق و الخميرة و الفاني و الملح ونخلطو بشويةمن التحت لفوق

و في الاخير نظيفو الزبدة الدايبة و نخلطو 


من بعد ما يطيبو نخليوهم حتى يبردو عاد نفكوهم من لمول ,


نمسحو المول مزيان و ندهنوه بالشكلاط و كلمادلينا نحطوها ف بلاصتها و لكن دغيا قبل ماينشف الشكلاط و ندخلوهم يبردو فيالثلاجة مزايان عاد نحيدوهم من المول 















مادلين بالليمون

هاد الشكل الثاني هو نفس وصفة المادلين و لكن زدت عليه بعض التغييرات



ما درتش الشكلاط , و ضفت قشور الليمون للخليط

ومن بعد ما طابت وبردات


دهنتها بالكونفتور ديال المشمش و دوزتها فياللوز افيلي محمر 









ليست هناك تعليقات:

إرسال تعليق