Loading...

الأربعاء، 30 أبريل، 2014

البعض من سلطاتي من كوزينتي بالصور أهلا وسهلا بكم كاملين :-)


السلام عليكم حبيباتي الغاليات

هادو صور ديال البعض من السلطات لي صاوبت بغيت نوريكم ونتمنى يعجبوكم ان شاء الله














المقادير
سلطة 1:بصلة ماطيشة خيار ملح ابزار زيت زيتون
سلطة 2:بطاطا وخيزو مصلوقين مع مايونيز وملح
سلطة3:فلفلة مشوية مع كمون وملح وابزار وزعتر وزيت زيتون
سلطة4:لي شو مع تفاح وزبيب ودانون حلو 




السلطة لي في الوسط
هي ليپاط مصلوقين مع مايونيز وملح وإبزار وذرة مصلوقة أنا كنشري لي ديجا مصلوقة ومجمدة وغير كنديرها في الماء طايب ومن بعد كنصفيها وجلبانة نفس الشيء
وباقي السلطات لي في الصور الاخرين نفس المقادير إلا ديال الباربا كندير فيها زيت زيتون عصير حامض و خل وملح وابزار وربيع مقطع وبصلة مشلدة
السلطة ديال الروز كندير الروز بسمتي ولكن كنصلقو شوية بالزيادة وكنزيد عليه تون معلب و فلفلة مشحرة في شوية ديال زيت الزيتون وإبزار وملح وعصير حامض
وسلطة خيزو مصلوق نزيدو هليه زيت زيتون وربيع وملح وكمون
وسلطة أسبيرج غير كنقطعهم وكنشحرهم في شوية زيت الزيتون والثومة وملح وإبزار وكنحطهم يبردو عاد من بعد كنضيف المعدنوس

والا عندكم شي سؤال أنا رهن الاشارة



الثلاثاء، 29 أبريل، 2014

بطاطا في الفرن بطريقتي




بسم الله الرحمن الرحيم و السلام عليكم ورحمة الله وبركاته
أخواتي جبت ليكم بطاطا في الفرن بطريقتي ويارب تعجبكم
المقادير : بطاطس مقطعة مكعبات _الأزير _1 ضرس ثوم _ نصف كاس صغير أو أقل - ملح




الطريقة : نغسل البطاطا ونديرها في الكسكاس وندير معها ضرس ثوم وعريش أزير وشوية ملح ونديرها تتبخر في الكسكاس شي 10دقائق تبقى واقفة
.ثم نديرهافي لاطة الفرن وندير معها الأزير وندهنها بالزيت وندخلها الفرن تتحمر ومرة مرة نحركها بلطف.
يمكن ليكم تصلقوها شي شوية ولكن تتبقى واقفة وكيبقى ليكم الإختيار صلقوها ولا بخروها.أنا كنفظل طريقة البخار لأنها طريقة صحية

هنا درتها في الكسكاس تتبخر


هنا ملي تبخرات دهنتها بالزيت ورشيتها بالأزير












بالصحة والراحة أخواتي

زعلوك بالفول مممممممممممم





هادي طريقة الواليدة فطياب الفول اللي تيجي فن وبنيين بزاف
اليوم بغيت نتشارك معاكم الطريقة
فول نحيدو ليه الجناب بالموس ويكون جلدات فتيين واللي كحلة ماتدريوهاش ديرو غير الفول
ناخد الفول بعدما نقيناه نزيدو عليه تومة محكوكة + الملح +ابزار +سودانية مطحونة ومزاود +طحميرة +قزبر يابس +كامون + 1/2حامضة بلدي طري نقطعوه مربعات +قزبر ومعدنوس +كاس صغير زيت العود + كاس ونصف كبير الماء
ونسدو الكوكوط اعلى نار مهيلة ساعة الاربع








هاهو فاش طاب نحاول نعزل الجلدة فبلاصة وحبات الفول


ونمعس الجلدة مزيان


ونردو يتقلا حتا ينشف مزيان



هاهو بعدما وجد









كروكيت بالبطاطا

كروكيت بالبطاطا
المقادير
2بطاطات او حسب الحاجة مسلوقين في ماء مملح
ابزار + قليل معدنوس مفروم ناعم جدا
1/2م ك زبدة لينة بالنسبة ل2 بطاطات وكمية تزيد على حسب
فرماج حسب الموجود
بيضة مضربة قليلا
طحين
شابلير

زيت للقلي


الطريقة
نمعسو البطاطة بالشوكة وهي سخونة مع الزبدة ونضيفو لبزار والمعدنوس وخلطو مزيان ونعملو كويرات ونحشيوهم بالفرماج ونسدو بالشكل لي تنحبو مكور او طويل او ...
ونفندوهم في الطحين ثم في البيض ثم في الشابلير وندخلوهم للثلاجة حتى يبردو مزيان على الاقل 2سوايع باش ميتحلوش اثناء القلي
ونقليهم في الزيت او نطيبوهم في الفرن لكنا غادي نعطيوهم لوليداتنا
والصورة توضح 














مقبل الدنجال في الفرن


السلام عليكم البنات اشخباركم

هاد الدنجال كيجي بنيين

المقادير
الدنجال الكمية لي بغينا مقطع على الطول و مسلوق في الماء مع شوية الملح او مفور في الكسكاس
المعدنوس مقطع رقيق
الثوم محكوك
التحميرة
الملح
الكمون
الحرور لي كيبغيها بحالي هه
الزيت

الطريقة

ندهن شي طاوة او مول بالزيت و نستف فيه الدنجال لي مسلوق و مقطر من قبل و نخلط المعدنوس و الثوم و العطرية و الزيت و نحطو فكل طريف ديال الدنجال شوية الشرمولة و ندخلوهم للفرن و بالصحة و الراحة

الصور توضح













ما تبخلوش عليا من دعواتكم


Read more: http://www.anaqamaghribia.

سلطة الكريب



السلام عليكم ورحمة الله وبركات

سلطة الكريب كنحتاجو المكونات التالية
الكريب مالح والطرقة موجودة فهاد الرابط انا استعملت نصف المقادير ودرت بيضة واحدة
http://tofahat.blogspot.com.es/2014/04/blog-post_5354.html
المايونيز وطريقة تحضيرو هنا من الاحسن يكون هاد المايونيز حيت طيبتو كتجي حسن من ديال الزنقة خصوصا فالسلطات
http://tofahat.blogspot.com.es/2014/04/blog-post_5940.html
الخس يكون مغسول ليلة قبل ونخليه ينشف او نغسلو ونمسحو فالحين
التونة
مطيشة مقطعة مكعبات نزيدليها شوية ملح
لداند كنشرملوه فشيوية ديال ملح ايبزار فلفلة حمرا وشوية سكينجبير كمون وقرفة ونقليه
شومبينيو
افوكا وندير شوية ملح
كاشير او اي نوع للتزيين
الذرة
2 بيض مطربين مع مليحة وايبزار ونطيبهم فنفس مقلة لي طيبت الكريب
وبيضة محكوكة للتزيين





اولا كناخد الكريب وندهنها بالمايونيز


ونزيد عليها الخس ومطيشة





من بعد كريب وخس وتونة وشومبينيو






بيض اومليت


من بعد خس ولداند




والطبقة الاخيرة الذرة والخس والافوكا





بالصحة والراحة كتجي لذيذة وغي ربع منها كيشبع 
ممكن تغيير المكونات ونضيف الكروفيت او السومو لي متوفر نديرو