كالينتي

السلام عليكم ورحمة الله وبركاته


اخواتي الحبيبات المدن الشمالية مشهورة جدا بهد الاكلة الشعبية التي تسمة كالينتي وهي عبارة عن ديق الحمص مع المواد الاخري ساعطيك ان شاء المقادير
فهي تباع في الشوارع والازقة وخاصة في المساء وتاكل ساخنة مع الكمون والسودانية وهده الوصفة تركوها الاسبان عند الاستعمار في الشمال

مكوناتها هي

جوج زلايف ديال طحين ديال الحمص في الشمال كيتباع مطحون واجد اما في الجنوب بحثت عليه ملقيتوشي شريت الحمص من عند البقال وطحنولي
جوج بيصات + ربع كاس ديال الزيت كاس كبير +خمسة الزلايف ديال الماء والملح

للتزيين كامون والسودانية

الطريقة خلطي البيص مع الزيت وطحين ديال الحمص وزلافة ديال الماء وحركي مزيان حتى يمتزج الحمص من بعص اصيفي الماء الباقي دهني قالب اللي عندي في الصورة وكبي الخليط او اي قالب اخر المهم اكون كبير فحال القوالب اللي كتكون في الافرنة ديال الكهرباء

خليها تطيب على الاقل مدة ساعة
على فكرة اخواتي هي كتجي رائعة في الفران الشعبي اللي كنطيب فيه الخبز كتجي رائعة من بعد زينها بالكامون والسودانية اختياري اللي كيبغي الحار هاهي اختي انا كنقدمها ليك بكل فرح جربيها كتجي فنة وتاكل سخونة







القطعة منها اللي يدخل الاول هههه