السلام عليكم كنتمنى تكونو بالف خير جبت ليكم الجديد
طبقنا لليوم هو معقودة بالبطاطس على شكل طورطية الفكرة خديها من راجلي
قالي فاش كان يقرا كان ياكل واحد ساندويتش رخيص ولذيذ يقدموه في بركان يدروه معقودة ويخلطو معاها بيضة ويديروها في الخبز وخديتوو منو الفكرة وقلت نطور فيها شوية هههه
المقادير ساهلين وبساط
غدي نحتاجو للمعقودة ديال البطاطس طبعا كلشي كيعفر يدريها وما فيها اس نذكركم بالمقادير
كنحتاجو للبطاطس مسلوقة ونمعكوها ونضيفو ليها البيض و ملح وابزار و وثوم وكمون و المعدونس طبعا البهارات حسب ذوقكم ونضيف 2 ملاعق دقيق ونكورها وندوزوها في الدقيق وتقلى في زيت ساخت ونضعها على ورق نشاف
من بعد كنضربو واحد 3 بيضات او حسب الافراد وحسب حجم المقلاة اللي عندكم
وكنضيف للبيض شوية ملح و ابزار
كندهن المقلاة بشوية زيت او زبدة وكنفرغ نصف كمية البيض ونحط من فوقها دوائر المعقودة و نضيف باقي البيض وهنا لكم الاختيار طيبوها عادي فوق النار او دخلوها للفران وممكن ضيفوا ليها حتى الفرماج
شفتو ساهلة و بسيطة و لذيذة هههه نتمنى تعجبكم وتجربوها
ليست هناك تعليقات:
إرسال تعليق