Loading...

السبت، 19 أبريل، 2014

طبخ البيض بطريقة راقية






السلام عليكم الحادكات كنتمنى تكونو بالف خير
هذا اقتراح بسيط بالنسبة للفطور او سندويتش او حتى للعشاء
كنحتاج للفلف الحلو مقطع دوائر غلاض شوية واحد سنتيم والا لقيتو الالوان يجي احسن في الطبق وحتى الاطفال غدي يعجبهم
ونحتاج البصل ايضا مقطع دوائر بحال الفلفل
وممكن الاستعانة ايضا بخبز التوست حتى هوي كيجي الشكل ديالو زوين
وكنحتاج البيض حسب عدد الافراد
كنخفقو في اناء مع شوية ملح وابزار و كمون حسب الرغبة
كنرش الفلفل والبصل بشوية ملح وندهنهم بالزيت
وندير غير شوية زيت مقدار ملعقة او ملعقتين
ونحط الخضر ديال ملي تسخن الزيت ونخليها تصهد شوية وتذبال غير شوية ولكن تكون شادة راسها
ونقلبها من الجهة الاخرى وعاد نزل فيها البيض ديالي

وغدي يبقى يخرج ليكم البيض من جوانب الفلفل و البصل تبقاو تهزوه بالملقعة وتردوه داخل دوائر الفلفل و البصل والا بقاي مطابش البيض كتحركوه في وسط الخضر بشي ملعقة خشبية او هود الاسنان
ملي يطيبو نزينوهوم بالربيع

ونقدموه باش ما حبيتو وب الصحة وراحة

واللى بغى يديرهوم في التوست يدير بهاد طريقة يقطع قلب التوست بالشكل اللي حبيتو دوائر او شكل قلب وتحطوا فيه البيض

وممكن بهده الطريقة
ديري توستو فوق توس و الشريحة الاولى تفرغي اللب ديالها وتعمريها بالبيض ودخليها الفرن

نتمنى تكون الفكرة ديالي نالت اعجابكم

ليست هناك تعليقات:

إرسال تعليق