كاشير ساهل و بمكونات بسيطة، كيصدق 100% و فوق هادشي كولو بنييييين.
أنا مابقاش كيخطاني.
على بركة الله نبدأ :
الـمـقـاديـر :
ـ 4 بيضات.
ـ كأس صغير زيت.
ـ كأس صغير دقيق.
ـ نصف مربع كنور بقري.
ـ 2 فرماجات.
ـ ملح + بزار حسب الدوق.
ـ معلقة صغيرة تحميرة.
ـ معلقة صغيرة زريعة القسبر (القسبر حبوب).
ـ رأس صغير أو متوسط ثوم (حسب الدوق).
الـطـريـقـة :أول حاجة نوجد الكدرة / الفوارة / البرمة، نعمرها بالما القياس لي يكفيني حسب قالب الكاشير لي غادي نستعمل... أنا كنعمر قياس ثلاث أرباع القالب لي كنستعملو. و نديرها فوق نار مهيلة بيلاما نوجد الخليط.
فميكسور نضع البيض + الزيت + الفرماج. ثم التوابل + طرف كنور مفرتت بين الصباع (من الأحسن مايتحطش هكاك مورصو) + الثوم محكوك.
.gif)
نخلط مزيان حتى تبانلي الرغوة من الفوق.
هدا هو لون الخليط لي حصلت عليه دابا.
نزيد كاس دقيق، نحرك بأدة بلاستيكية ولا من الخشب (بهاد الطريقة مغاديش يبقا الدقيق فجوانب الكاس).
و نخلط للمرة الثانية و نعطيه الوقت الكافي حتى تشكل رغوة.
فهاد الوقت تكون البرمة عرقت و الما دافئ و مناسب.
نكب الخليط فالقالب البلاستيكي الخاص بالكاشير.
القالب نحطو وسط البرمة و نسد عليها.
النار تكون مجهدة و فوق المجمر المتوسط.
نخليه يطيب مدة 1h .
ها هو الكاشير ديالنا وجد و كما كتلاحظو و معرووف أنه ياخد حجم أكبر و خاصو الوقت باش يبرد و يرجع للحجم العادي.
أنا بعض المرات كندخلو للكولجيلاتور مدة قليلة و نخرجو يكون تماسك و خدا الحجم العادي. و ممكن يبقا يبرد فحرارة الجو على خاطرو، و غادي تكون نفس النتيجة أكيد.
و هدا هو الشكل النهائي.
ليست هناك تعليقات:
إرسال تعليق