Loading...

السبت، 19 أبريل 2014

حلقات البصل المقلية

السلام عليكم ورحمة الله
اكيد اصل حلقات البصل المقلية هو فرنسي كيقدموه مع خبز البرجر وجربتو معاه كان هائل في مكان
ونتمنى تجربوه غدي يعجب الصغير و لكبير
والبصل اكيد م توفر في كل بيت
راه عندي 2 طرق كنديرهوم بيه وكيجي زوين وغدي تحطهوم بجوج
الطريقة الاولى
نحتاج 2 بصلات
نص كوب دقيق
خمارة الحلوة
ملح
ضامة ديال الدجاج اختياري ممكن تبدلوها بالبهارات ديال دجاج
ونحتاج ماء غازي انا درت اولماس
كنقطعو البصل الى حلقات يكونو شوية غلاض واللي شاطو لنيا نجمعوهم غدي نحتاجهم
لاستعمال اخر تحت شعار حتى حاجة مضيع هههه



وفي اناء كنذوب ديك ضامة مع الماء
ونضيف باق المقادير لعجين ما يكون خفيف ما ثقيل بين الوسط بحال بغرير شوية

نغطسو الحلقات في العجين اللي حضرنا وندوزوهم في لشابلير

وشابلور راه ساه تحضير دياله الا شاط ليك خبز التوست او كومير يبيسه في الفرن وطحنيه وهاهو واجد ويمكن ليك تستعملي في مكانه الكورن فلكس حتى هو كيجي زوين ومقمرش

كاد نديرو الزيت يسخن ونقليو غير يتحمرو والمرحل المهمة واللي كتخلي هد الحلقات مقرمشيت لاطول مدة



نجيبو شبكة انا استعملت الشواية معنديش شبكة مضحكوش علي هههه وملي نقليو الحلقات ونحطوهم على الشبكة علاش ههه
وهدا هو السر ديالها
انه الحلقات كينشفو اما الى حطيناهم في طبسيل فوق ورق غدي يعجنو اوكي نتمنى تكونو فهمتو وهد المرحلة مهمة جدا
هادو كنت نتعلم فيهم ههه

طريقة تانية اللي كندير مع حلقات البصل
2 بصلات ونص كوب دقيق بيضة وشوية ملح ونص كاس حليب
نخلط الدقيق و البيض و الحليب و الملح وفلفل اسود وممكن ضيفو حتى فرماج محكوك كنضيفو معاه كيجي زوين
وكتغطسوا حلقات البصل في هاد المكون وبعدها في شابلور
وتخليوه ساعه في الثلاجة عاد يتقلى ويتحط في الشبكة ويقدم بالصحة وراحة

ليست هناك تعليقات:

إرسال تعليق