السلام عليكم الحادكات ديالنا..اليوم غدي ننزل ليكم هاد الوصفة الشهية
مقادير المسمن معروفة تعرك جيدا و نصنع كويرات صغار و نخليوها ترتاح واحد ربع ساعة .
أنا طلقت العجينة دائرة و عملتا في زليفة مدهونة بالزيت و عمرتا و طويتا على شكل بسيطلات. هاد الطريقة شفتا في هاد المنتدى الغالي و قلت علاش لا طريقة مزيونة.
دابا نمرو للحشوة:
في مقلاة عملت 2 بصلات مشلظين + معدنوس + 2 خيزو محكوك + ملح، إبزار، سكنجبير،فلفل غبرة و شوية د الهريسة و الزيت.
ملي تترخى هاد المقادير نضيف : الزيتون أخضر و قليل من الماء و نخليوها تطيب واحد الشوية.
في هاد الوقت كنكون رطبت الشعرية في الماء طايب بشوية دكنور دالحوت و صفيت الطون من الزيت و كنضيفوهوم على الخليط اللي طاب.
كنطفيو العافية و نخلطو مزيان و نبداو نعمرو المسمنات و نوضعوهم في صينية الفرن و ندهنوهوم بالبيض و نرشو بالجبن المحكوك و تدخل الفرن.
ها هما واجدين بالصحة و الراحة.
Read more: http://www.anaqamaghribia.com/vb/showthread.php?t=207307#ixzz2sG1lTnvH
ليست هناك تعليقات:
إرسال تعليق