Loading...

الجمعة، 21 فبراير 2014

سيكار بالكروفيت

السلام عليكم
ها كيفاش كندير للسيكار بالكروفيت و كيجي لديد بزاف و الله. فرمضان كاع لي داقو عجبو و توحمو عليه لعيالات كاع
نبداو براكا من لفوحان ياك هههه
فمقلة كندير شوي الزيت الرومية و البلدية يسخنو و كنزيد عليهم التومة مطحونة فالكرافوز ملي كتشحر كنزيد الكروفيت و الملح و البزار و الكامون و التحميرة "بالزايد"وسكين جبير و شوي الهريسة و كنشحر الكل

عاد كنزيد الربيع باش ميتحرقش فالاول

نبقى نحرك حتى ينساجم الكل و نزيد الفرمسال مرطبة و مقطعة طبعا و الزيتون خضر مقطع مصلوق شوي وشوي الحامض مصير مقطع و الطون بالزيت


كنخلط الكل مزيان باش كلشي ينساجم و يشرب العطرية

وها الحشوة ديالنا وجدات نخليوها تبرد مزيان باش متقطعش لينا لورقة

و نبداو نعمرو.كلكم تبارك الله كتعرفو كيفاش

ندهنهم بالزيت مزيان

وهاهوما signés ههههه

ويني سمحو ليا ما غاديش نوريهم ليكم طايبين حنت
+
+
+


حنت درتهم فسبيل الله لبنت خويا كتوحم و كانو عجبوها ملي عرضت عليهم فرمضان.درتهم فالكونجلاطور باش نصيفطهم ليها تجبد لقياس لي بغات و تحمرو فالفران
و توتة توتة ههههه

ليست هناك تعليقات:

إرسال تعليق