الأربعاء، 22 يناير 2014

أوريو بطريقة مغربية


أوريو بطريقة مغربية

هاد السابلي جا لذيذ بزاف ووليداتي عجبهم انا سميتو أوريو بطريقة مغربية ههههههههههه نتمنى يعجبكم إن شاء الله

عملت فيه نفس المقادير لي بوتي فور بالكاكاو وضفت فقط 50 غ لوز مطحون مزيان ومغربل

المقادير : 125 غ زبدة في حرارة المطبخ + 100 غ دقيق + 3 م ك سكر بودرة + 2 م ك نشا (ميزينا ) +2 خنيشات كاكاو من فئة 7 غ + 50 غ لوز أخضر مطحون مزيان ومغربل




الطريقة : خلطت الدقيق مع الكاكاو والنشا واللوز والسكر وخدمت الزبدة بوحدها حتى تطلقت شوية وضفت خليط الدقيق وخليت العجينة ترتاح ثم طلقتها وعملت كويرات صغار فيهم 10 غ وبسطتهم شوية بيدي ودخلتهم للفران

 ملي بردو عملت شوية د زبدة الكاوكاو بين كل 2 وغطستهم فالشكلاط


 خليتهم حتى نشفو شوية وعملت عليهم خطوط 

 وهذي طريقة باش كنعمل الدانطيل للحلوة


نتمنى تنال إعجابكم إن شاء الله





ليست هناك تعليقات:

إرسال تعليق