الأربعاء، 22 يناير 2014

كرواصة ساهلة بطريقة احترافية وشكل راقي من مطبخي



المقادير مع الطريقة :
كاس عنبة زيت، كاس كبير حليب ( قياس 2 كسان عنبة )، بيضة نستعمل بياضها فقط، والأصفر نتركه للذهن مع 1م نسكافي مذوبة في شوية الماء ، 1 م ك خميرة الخبز ( أو 1م ك ونصف إلى كان الجو بارد )، ملح، 2 م ك سنيدة، 175 غرام زبدة ، نشا للفرد.
نضع الخميرة وسنيدة مع الحليب دافي ، نخلطوهم ثم نضيف أبيض البيض مع التحراك+ الزيت+ الفورص مع الملح حتى يتجمع الخليط ويكون رطب وناعم، نجمعوه على شكل كرة ونغطيوه في كان دافئ حتى يتضاعف حجمه، نخرجو منو الهواء ونقسمو العجين ل2 خبيزات ، يرتاحو شوية ونطلقوهم بالمدلك والنشا وندهنو كل وحدة بالزبدة ونطويهاعلى شكل ظرف( بحال مسمنة مربعة ) ، يرتاحو شوية ،ثم نطلق المربعين معا شوية بالنشا ندهنو المربع1 بالزبدة ونوضعو فوقه المربع 2 بلا مندهنو وجه هاد المربع الأخير بالزبدة، نطلقو هم بالمدلك بمساعدة النشا ونقطعو مستطيلات ومثلتات متساوية ونحشيها بالشكلاط، نخليو كرواصة تخمر وندهنوها بأصفر البيض ونسكافي، وندخلوها للفرن وبالصحة والراحة، نخليكم مع الصور.






هناك 3 تعليقات:

  1. merci ahlam sahla bezafffff ellah ya3tik essa7a

    ردحذف
  2. شكرا اختب يزاف على الوصفة
    مادكرتيش كمية الدقيق المستعمل؟؟؟؟

    ردحذف
  3. jazaki allaho bialfi khair kheti . ana halian kan9ad fhad lkerwassa li 3titina kitsali nred 3lik lkhebar kijatni chokran ^_^

    ردحذف