الخميس، 23 يناير 2014

صلصة الكاتشوب


صلصة الكاتشوب ketchup



السلام عليكم ورحمة الله وبركاته 


المقادير : كيلو ونصف طماطم حمراء + 100 غ سكر لي كيساوي نصف كأس زايد شوية+ نصف كأس خل + م ص ميزينا + ربع م ص ملح ( الشيف مستعملوش ) + رشة إبزار أبيض
الطريقة :

قطعت الطماطم  على إثنيبن ونزلتها في الطنجرة على الجهة لي مقطعة كيف واضح باش تنزل لما ديالها بسرعة وماتحرقش حيت مغديش نعملو لما 

غطيتها وخليتها على نار مهيلة شوفو فالصورة كيف طلقت الماء نخليوها حتى تتطيب 




بعد ما طابت طحنتها فالخلاط الكهربائي وصفيتها ورديتها للطنجرة تغلي 


ضفت عليها السكر والخل والنشا إلي ننصحكم تدوبوه في شوية ماء  عاد تضيفوه 

 نخليها تشرب وتعقاد ثم أضفت عليها لملح وادا حسيتي انها معقداش مزيان ممكن تضيفي شوية د ميزينا 

ملاحظة : هاد المرحلة الأخيرة كتاخد شوية الوقت فماتخافوش غير خليوها على نار مهيييلة ومرة مرة حركو 




وصفتا أصبحت جاهزة والكمية المحصل عليها هي 579 غرام من الكاتشوب
إن شاء الله تجربوها وتنال إعجابكم 

لاتنسوني من صالح دعائكم ولكم بالمثل بحول الله

ليست هناك تعليقات:

إرسال تعليق