Loading...

الأربعاء، 22 يناير، 2014

ديسير الفلون بسلطة الفواكه


ديسير الفلون بسلطة الفواكه

السلام عليكم ورحمة الله وبركاته 

هاد الديسير من أسهل ما يمكن إعتماده سواء للضياف أو لوليداتنا شكلو  راقي وكيحمر الوجه 

نتوكل على الله 

المقادير حسب عدد الأشخاص

كنحتاجو فواكه مشكلة : أناناس + تفاح أصفر وأحمر + كيوي + فريز + إجاص + موز + تمر + سكر حسب الذوق + كاس من أي عصير تفضلو

لفلان عملت 750 مل حليب + سكر حسب الذوق + 2 بودرة فلان بنكهة الفاني

قطعت كل الفوكه مكعبات صغيرة ضفت السكر والعصير خلطت الكل واحتفضت بالسلطة 

سلطة الفواكه من الأفضل نخليوها ترتاح تقريبا مدة ساعة باش يدوب السكر والمذاق د الفواكه كيطلق فبعضو


هنا السلطة واجدة حضرت فلان بالطريقة العادية عملتو في كيسان التقديم  وخليتو يبرد ويجمد

 بعد ما برد عملت عليه سلطة الفواكه وزينت بالشكلاط 
ممكن تزينو بكريم شونتيي أو باش ما بغيتو حسب ذوقكم

 نتمنى وصفتي تنال إعجابكم وتكون إضافة جديدة لوصفاتكم 

لا تنسوني من صالح الدعاء ولكم بالمثل بحول الله

ليست هناك تعليقات:

إرسال تعليق