Loading...

الخميس، 15 مايو، 2014

بغرير معمر


هادي طريقة نقدمو بيها بغرير ، نوعو بيها شوية
اولا تنحضر بغرير، تقدري ديري اي وصفة تترتاحي فيها لكن مافيها باس نوريك طريقتي، تيجي بيها خفيف و زوين
فيه
زلافة كبيرة سميدة رقيقة
نص خمارة حمرا
شوية الملح
شوية خميرة الخبز
كاس د العنبة د الحليب دافي
الما دافي حسب الخليط، انا هزلي تقريبا جوج كيسان
تنخلط كلشي فالخلاط ، نغطيه و نخليه يخمر تتيتكونو فقاعات فالوجه ديالو
نوجد الحشو
تنصلق كمية من اللوز ، شحال مبغيت، نقشرها ونقليها تم نطحنها ' نخليها مهرمشة شوية '
نزيد عليه شوية ت سنيدة و شوية القرفة ونخلط كلشي





ملي يخمر العجين ديالي نحركو شوية و نبدا نطيب فيه، اي وحدة طيبت تندير فيها شوية ت اللوز ونسد جناب، ملي تيكون بغرير باقي سخون غي تنضغط بيدي وتيلصقو جناب




ملي نسالي ندوب شوية الزبدة مع العسل ، نسقي بيهم بغير ديالي وندخلو للفران غي واحد شوية ، غي باش يشرب شوية تم نقدمو بالصحة و الراحة
تيجي لديد بزاف









ليست هناك تعليقات:

إرسال تعليق