السلام عليكم ليوم جبت ليكم واحد الاكلة ساهلة و زوينة و هي لمقيلة ديال لحوت انا كانديرها كاتجي بنينة قلت ضروري نوريها ليكم إوا نخليكم مع المقادير و الصور
كنحتاجو للكروفيت و الحوت اي نوع انا هنا درت الفرخ + مطيشة محكوكة + حك مطيشة صغير + ربيع + تومة + زعيترة + ازير + عطرية كاملة
كنخدو طجين و نديرو فيه زيت لعادية و زيت البلدية و نخليهم إسخنو شوية
كنزيدو المطيشة المحكوكة و العطرية و نخليوها حتى تختار شوية
من بعد كنزيدو ربيع و ازير و زعيترة و تومة و مطيشة الحك
ملي إتخلط كلشي نزيدو طريفات ديال الحوت و نديرو نصف كاس ديال الماء و نغطيو الطجين حتى إطيب
من بعد كنزيدو الكروفيت خليناه هو الأخير حيت دغيا كايطيب و نديرو فوقو شوية ديال الربيع
و ها هو ملي طاب
و هنا ملي حطيتو درت فيه طريفات ديال الحامض و جاني بنين و زوين و ساهل ماكيديرش الوقت بزاف في الطياب إوا كيجاكم ؟!!!!
ليست هناك تعليقات:
إرسال تعليق