Loading...

الخميس، 8 مايو، 2014

سلــو.. ورمضان مبارك كريم


لحبيبات لغزلات اش خبارك وخبار وليداتكم ان شاء الله بخير
وكيف عملين مع هاد الصهد ؟ الله يرحمنا يربي اامين
وعواشركم مباركين مساعد تدخل عليكم بالصحة وسلامة ورزق وطولت لعمر
المهم اليوم جبت ليكم تمارة ولكن سمحو ليا وخلاص هههههه
نبدو على بركة الله 


*-500غ اللوز مسلوق ومقلي ومهرمش
*-500غ جنجلان منقي ومحمر ومطحون
*-500غ الزبدة سبيسيال مدوبة
*-350غ سكر كلاصي نوع ممتاز
*-500غ عسل زمزمي (ضروري)
*-كيلو طحين فورص محمر ومغربل
نصف رابعة نافع البلدي=125غ منقى ومطحون ومغربل
*-معلقة صغيرة القرفة
*-3درهم المسكة حرة
*-حبة كوزة


بعد ما يتغسل جنجلان وينشف ويتنقى

تنحمره في كسرولة من احسن باش ما يبقش يطير عليا نولي ضربه ههههههههه


كنتركه يبرد مزيااان ونقصو منو زلافة صغيرة



تنطحنو نافع البلدي ونغربله

تنعمله في اناء كبير شيئا ما وتنضيف ليه جنجلان اللى حتفضت بيه بلا طحين



وباقي تنطحنو مزياااان ونضف على مكونات سابقة











اللوز حتى هو من بعد ما تسلق ونشف وتقلى تنهرمشه فقط ما تنطحنوهش




كنحكُ الكوزة




كنضيف القرفة



وكنندق المسكة الحرة بهاد طريقة باش ما ضعش ليا في خلاط كهربائي




وكنغربلها



كنضيف سكر كلاصي يستحسن يكون ماركة ماشي نتاع لعبار حتى هو مع باقي مكونات







وكنخلط الكل جيدااااااااا ونحاول نفك كويرات اللى غادي تتكون لينا




كنترك الخليط جانبا ونمشي نحضر طحين

كنخد الكمية مدكور ونعملها في كوكوط على نار متوسطة او مهيلة باش يتحمر على خاطرو

كنبقو نحركو بستمرار ونعمل نفس العملية اللى ضاهرة في صورة





ملاحضة

ما لازمش يتحمر بلاقياس لانو كيجي سلو اللون ديالوغامق ومداق كيصبح مر مع المدة لهدا غير يدهب اللون فقط 





كنتركٌ يبرد وكنغربلو مزيااان

ونحك هاد كويرات




وكنضيف للخليط الاول




كنمزج الكل جيدا مرة اخرى




وكندوب الزبدة ونزل منها ماء اللى تيبقا في قعر كسرولة ومن بعد تنضيف لعسل ونرد الكل فوق نار باش يدوب لعسل مزيان



وخليط زبدة ولعسل ما زال سخون تنصبٌ مباشرة على خليط

ونردُ البال لان درجة حرارة تتكون مرتفعة 

وندلك الخليط فحال اللى تندلك العجين باش يشرب سوائل مزياان



ها هو واجد

كنترك يبرد مزيااان ونعمله في علبة من بلاستيك

وممكن نحتفض بيه في مجمد كصبر اكتر من سنة

















ليست هناك تعليقات:

إرسال تعليق