هادو قريصات كيجيو رائعين و المميز فيهم اننا كنعمروهم بالشكلاط اممممممممممم
نخليكم مع المقادير
2 بيضات
125 غرام ديال السكر
50 غرام ديال الزبدة
معلقة كبيرة عامرة ديال الخميرة ديال العجين
4 معالق كبار ديال الحليب غبرة
شوية ديال الملحة
200 مللتر ديال الماء
500 غرام ديال الطحين
كنطلقو الخميرة فشوية ديال الماء
كناخدو قصعة كنديرو فيها البيض و الزبدة والسكر والحليب غبرة و الملحة ونزيدو الخميرة لي طلقنا و الماء ونخلطو حتى يتجانسو ويدوبو عاد نزييدو
الطحين ونعجنوها مزيان
كنخليوها ترتاح عاد نقطعوها على شكل كويرات وفوسط كل وحدة كنديرو طريف ديال الشكلاط ونسدوها
كنخليوها حتى تخمر مزيان عاد ندهنوها بالبيض ونديرو فوق كل وحدة شوية ديال السكر وندخلوها للفران حتى تحمر
كنخرجوها ونخليوها تبرد عاد نقدموها بالصحة و الراحة وهاهي كيف كتجي من الداخل امممممممممممم
وهاهي الصورة اقرب
جربتهم ليعطيكم صحة
ردحذف