Loading...

الأربعاء، 7 مايو 2014

دجاجة معمرة بالروز (بالصور)..


السلام عليكم ورحمة الله وبركاته
أولا نبدا بالشرمولة :انا عملت بصلة مشلضة فى مقلة و شوية الزيت + 3 التومات محكوكين + نصف ملعقة صغيرة سمن +شوية حار + ضامة البنة ديال الدجاج + سكنجبير +ليقامة ديال الدجاج تتكون عند العطار+ خرقوم+ابزار و طبعا القشيوشات ديال الدجاجة نتركه فوق النار حتى يطيب مزيان و يتشحر عاد نضيفوه للروز



المقادير التانوية والأساسية :
الحماض مقطع صغيره + زيتون مقطع رقيق + شرمولة + دجاجة + الروز مسلوق


الطريقة :
ناخد التشرمولة الى وجدات نضيفها على الارز و نصف قشر حامضة مرقد و الزيتون اخضر مقطع


نخلطو مزيان و نعمروا الدجاجة بالارز و من بعد نخيطها و نجمعوا حتى الرجلين بالخيط باش متحلش فى الطياب




ناخد طنجرة نعملوا فيها بصلة مقطعة جنيحات و نفس العطرية الى عملنا فى الاول فى التشرمولة و نضع الدجاجة من فوق و نخليها طيب على نار هادئة و من بعد ندهنها بالسمن و الزبدة و المطارد مخلطين و نضعها فى الفرن تتحمر

أو

ممكن نبخرها و ندهنها من فوق بالسمن ومعدنوس مع قزبر وخرقوم بلدي وسكنجبير وتنتكها بفرشيط باش دخل لها طياب ونديرها في كسكاس تبخر عاد نحمرها تتجي غزالة



بالصحة و الراحة

 

ليست هناك تعليقات:

إرسال تعليق