تم التثبيت في تاريخه
أم هنية ومنصف
مساء الخيرات
درت واحد طويجين اليوم ماشهيتكم فيه وقلت نشاركم به
نتمنى يعجبكم
لقسم الله سردين منقي ومطحون
2 مطيشات مطحونين
فلفلة الوان انا درت وحدة صفراء ووحدة حمراء
2 حبات بطاطا و 2 حبات خيزو
نصف كاس روز مطحون
4 فصوص تومة ربيع مقطع
ولعطرية ملح بزار تحميرة خرقوم سكنجبير وخرقوم عرق وشوية كمون
اول حاجة نطحنو سردين نضيفو له تومة ربيع لعطرية
وروز مطحون نخلطوه مزيان ونخليوه على جنب
ناخدو طجين نديرو مطيشة مطحونة ولعطرية وتومة وربيع وشوية زيت
نزيد 2 خيزوات مقطعين دوائر
ونكورو سردين كويرات صغار
وبطاطا دوائر ندوروها على جناب طجين
نستفو من فوق كويرات طريفات فلفلة وحامض تم زيتون ونرش شوية ملح
نقص عليه البوطة ونخليه يطيب على عافية مهيلة غادي يطيب دغيا نطفي عليه ونرش شوية ربيع ودورة زيت العود
ونقدمو بالصحة والراحة
ليست هناك تعليقات:
إرسال تعليق