حووووت في الفران

السلام عليكم ورحمة الله وبركاته

كنغسلو الحوت مزيان و نقطروه مزيان باش تشد فيه الشرمولة

نوضعو في مطحنة كهربائية او مهراس الثومة و القسبور و الزعتر بلدي واحد الضامة ديال الحوت و نطحنوهم مزيان و نضيفو عليهم الزيت و العطرية - ملح ، كمون ، اليبزار ، تحميرة ، قطرات من الحامض و نخلطو بالمطحنةباش كينساجمو و يعطيونا شلمولة زوينة

وكنشرملوهم مزيان و نخليوهم على جنب في الثلاجة على ما توجد الحشوة لي غادي نعمروهم بيها .-أنا كيعجبني نشرملهم بكري بعدة ساعات قبل ما نطيبهم

ندوزو للحشوة 
ناخذو الشعرية الصينية نضعها في ماء مغلى لمدة دقائق قليلة و نصفيوها .. نضيفو ليها الفطر المأكول -شونبينيون- و للفلفل بالألوان مقطع صغير و نفس عطرية الحوت ونعمرو الحوت . 

كنعمروه وكنزوقوه بشرائح الفلفل الأخضر و الأحمر وندخلوه للفران على حرارة متوسطة ونضيفو ليه كاس صغير ديال الماء في الجناب

و ندوزو لصلصة القمرون الي كنقدموها مع الحوت 

وهي عبارة عن طماطم و طماطم مصبرة و ثوم و زيت بلدية و زعتر .. نخلوها تشحر مزيان و نضيفو بيها القمرون و الزيتون شرائح مدورة و نتركها ربع ساعة على نار هادئة بدون اي ماء

وهاهو بعدما خرج من الفران .. 
ونقدموه مع هاذ السلطة و الف صحة وعافية .. ودعواتكم حبيباتي

Read more: http://www.anaqamaghribia.com/vb/showthread.php?t=123475#ixzz2r4lyluS3