سفة الروز طبقات وبشكل جديد بالصور
نحتاج الى:
نصف دجاجة - نصف كيلو روز كلاصي - 2 بصلات -
4 ضروس ثوم - معدنوس - ملح ، إبزار ،سكين جبير ،قرفة ،خرقوم بلدي ،سمن ،أعواد قرفة - 2 مطيشات - 2 دنجلات - زيت
كناخدو الدجاج كنديرو ليه العطرية والربيع والثوم المدقوق ثم البصل مشلظ و الزيت وكنشحروه مزيان ثم كنضيفو ليه نصف كأس ديال الماء ونخليوه إيطيب على نار مهيلة
ملي كيطيب الدجاج ديالنا ويتشحر مزيان كنزولوه من المرق وكنحيدو ليه العضم ونقطعوه .
ثم كناخدو الخضر ديالنا نقطعوها دوائر وندهنوها بشوية زيت الزيتون ونرشوها بشوية الملح وندخلوها للفران تطيب
ثم كناخدو الروز كنصلقوه نصف صلقة نصفوه ونحلوه بشوية الزبدة ثم نعملوه في الكسكاس يكمل طيابو
ملي كيطيب الروز كنبردوه شوية ونضيفو شوية الزبدة وشوية السكر كلاصي ثم كناخدو الدنجال كنستفوه في الكسكاس ومن الجناب
وكنضيفو فوقه نصف كمية الروز
تم شوية المرق ومن بعد قطع الدجاج
ثم قطع الطماطم
ومن فوقها الروز المتبقي والقليل من المرق
وفي الأخير كنديرو شرائح الدنجال المتبقية من الفوق وكنرجعوه يسخن في الكسكاس
ونزينوه بشوية اللوز مقلي وبالصحة والراحة
ليست هناك تعليقات:
إرسال تعليق