Loading...

الخميس، 10 يوليو، 2014

كيش لديد من مطبخي



اش خباركم اخواتي 
نتمنى من ربي لعزيز تكونوا بالف خير
ليوم ان شاء الله غنعطيكم طريقتي فتحضير الكيش نطلب من الله تعجبكم وتنال رضاكم

نتوكلوا على الله

مقادير العجين


250 غ دقيق او اقل حسب نوعية الدقيق لمهم غي تجمع ليكم العجين تحبسوا من الدقيق
1 بيضة
2 معالق كبار زيت زيتون
4 فرمجات مربعين او متلتين حسب الموجود عندكم ملح إبزار
في إناء نطرب بواسطة آلطراب زيت فرماج بيضة ملح إبزار حتى تنسجم آلعناصر تم نضيف دقيق شيئآ فشيئا حتى نحصل على عجين مكسر ومتماسك نحطوها فى آلثلآجة ترتاح لمدة 30 دقيقة





الحشوة


250 غ هبرة بيبي مقطعة شرائح رقاق ومربعة
2بصيلات مشلظين 2
معالق صغار زبدة
2 فصوص ثوم
معلقة فلفل مطحون او تحميرة
قطع الفلفل الاحمر الا كان متواجد عندكم تيجي فن فالكيش انا مكانش عندي
ملح ابزار شوية الربيع مقطع




في مقلآة نذيب الزبدة ونشحرو فيها البصل ثوم ونضيف فلفل مطحون و الفلفل مقطع مربعات ونزيد ملح إبزار مع التحريك حتى يهبطوا ونزيدوا
هبرة بيبي الربيع دائما مع التحريك حتى ينضج الكل نتركه جانبا ليبرد 




مقادير الكريما
2 بيضات
3 معلق كبار قشدة طرية الا مكانتش عندكم عوضوها ب2 دانون مسوس حت هو تيجي فيه زوين
شوية ملح ابزار وكوزة محكوكة
100غ فروماج احمر محكوك


نخلط جميع المقادير المدكورة الا الفرماج الاحمر




نبسط فوق مائدة مرشوشة بالدقيق العجين ونضعه في قالب الطهي يكون مدهون بالزبدة ومرشوش بالطحين تم نعمل ثقب فوق العجين 






من بعد نصب الحشوة ولكريما فوق العجين ونرشوها بالفرماج وندخلوها للفرن تطيب




هاهي ملي وجدات





بالصحة والراحة

ليست هناك تعليقات:

إرسال تعليق