Loading...

الخميس، 10 يوليو، 2014

ميني بيتزا بالقمح الكامل ممممممم




جبت ليكم بيتزا المعتمدة عندي بغيت نشاركها معاكم عجينتها  
 
غزااااالة نتمنى تجربوها اما الحشوة فالموجود يقضي الغرض  
 
ولكن الاختيار

 *مقادير العجين
 
مقدارين فورص " انا عبرت بديك الطاسة"
 
مقدار قمح كامل
 
2 معالق كبار زبدة وهذا هو السر ديال الرطوبة مكتقصاحش  
 
بالمرة
 2 معالق كبار زيت بلدية
 
زعتر
 
ملح
 خميرة معجونة
 
ماء دافي للعجن


العجين لازم يكون مرخوف يتجمع مزياااااااان ونخليوه يخمر




* لاصوص مطيشة

3 ماطيشات / 2 م كبار مطيشة الحك / زعتر / زيت العود / التوابل







*للحشوة
 
2 فلفلات
 
2 بصلات صغار
 
علبة طون
 
وفرماج محكوك مصورتوش



الفلفل نقطعوه مربعات صغار انا مكنطيبوش كيجي زوييييييين  
 
غي كنضيفو من الفوق شوي يتصهد في الفران ونخرج ندير  
 
الفرماج
 
والبصل دوائر يتشحر غي شوية يدبال مع زويتة






مني تخمر العجينة نقومو كما هو معروف بالمراحل الاتية


كنطلقو العجين بالمدلك ونقطعو دوائر صغار 


نستفوهم في اللاطة نخليوهم شي دقائق عاد ندخلوهم غي شوية يشدو في راسهم ونخرجوهم ندهنو بي لاصوص من بعد البصلة و فوقها الفلفلة و الطون نعاودو ندخلوها شوية واخيرا الفرماج محكوك





وهذا الطبق النهائي الف صحة وراحة


ليست هناك تعليقات:

إرسال تعليق