السلام عليكم ورحمة الله وبركاته
اليوم جبت ليكم الجديد عندي ليكم 2 شهيوات معتبرين
الاولى كروكيت الدجاج
نحتاج
نصف كيلو هبرة دجاج نسلقوها مع نصف بصلة +6 قرنفلات +عود قرفة+اعواد المعدنوس+4 حبات هيل +الملح
لما يتسلقو نصفوه من المكونات للي درنا فيه ونطحنوه في المولينكس
من بعد ناخد بطاطا مسلوقة ونطحنوها
بيضة
بزار
ملح
معدنوس مقطع
نص كاس شابلور
نجمعهم ونعملهم اصابع
ندوزهم في الشابلور للي ضفت ليه قليل من الزنجلان وندخلهم للكونجيلاتور 2 سوايع ويتقلاو مباشرة
بالنسبة للدنجال
ناخد دنجال دواور
ناخد قطعة نسرح فوقها قليل من الهريسة +ونعمل فوقها الطون غير شوية ونعمل فوقو الفرماج ونسد عليها بدوارة اخرى ديال الدنجال
ندوزهم في البيض للي درت ليه قليل من الملح وندوزهم في الشابلور ونقليهم مباشرة وكيتكالو سخان
وهنا الدنجال من الداخل كناكد انه لازم يتكال سخون باش تلقاوه مقرمش
نتمنى الوصفات للي جبت ليكم اليوم يعجبوكم
بانتظار ردودكن عزيزاتي
في امان اله
ليست هناك تعليقات:
إرسال تعليق