كل ما يهمك سيدتي : عجينة الكنافة خيوط جربيها فالدار

الخميس، 8 مايو 2014

عجينة الكنافة خيوط جربيها فالدار

كيف عاملين البنات كنتمنى تكونو بخير و احوالكم جيدة

دائما في اطار تبادل الفائدة اليوم اخواتي جبت ليكم طريقة عجينة الكنافة خيوط لي العديد منا كيبغي يجرب بيها الحلويات الشرقية بحال الكنافة وما كنلقاوهاش فالسوق نخليكم مع المقادير و الطريقة

غادي نحتاجو

كاس ديال الطحين

كاس ديال الماء

[IMG]

معلقة كبيرة ديال الزيت

الطريقة

كنديرو الطحين فاناء ونبداو نزيدو عليه الماء وحنا كنطربو باش ما يجيش فيه الحبيبات

كنبقاو نزيدو الماء حتى نحصلو على عجينة مرخوفة ما تكونش خفيفة بزاف وبحال لي كتشوفو انا ما كملتش كاس ديال الماء كامل

[IMG]

ثم نزيدو المعلقة ديال الزيت ونطربو مرة اخرى

[IMG]

كنخليوها ترتاح 15 دقيقة عاد نبداو نطيبوها

غادي نحتاجو مقلة تقيلة كنديروها تسخن

غادي نحتاجو دوية رقيقة بزاف بحال الصورة والا ما توفرناش عليها كنصوبو البوش غير بالكاغط ونقطعو باش تكون عندنا فتحة صغيرة باش تخرج ليتا الخيوط ديال العجينة رقاق بزاف

[IMG]