الثلاثاء، 9 ديسمبر 2014

كريب مالح


 كريب مالح

السلام عليكم ورحمة الله تعالى وبركاته
حاجتنا 2 كيسان عنبة فورص 2 كيسان الحليب معلقة كبيرة الزبدة شوية المعدنوس شوية ملح ابزار 2 بيضات 
 نطحن الكل فمولينكس نوضعوه فايناء نغطيو عليه يرتاح ربع ساعة
 من بعد نبداو نخبزوه فمقلاة سخونة متتلصقش 
 يطيب على 2 جهات
 هذا شكله مين طاب 
 الحشو حسب الرغبة 
استعملت صدر الدجاج وسمك الميرلا معلقة كبيرة الزبدة شوية الموطارد وريقات موسى شوية ملح ابزار 
 نخلط الكل نضيف شوية زيت لعود نغطيو عليه وضعوه فوق النار 
 من بعد 5 دقائق نضيف خيزو محكوك نغطيو عليه على نار مهيلة حتى يطيب 
 مين يطيب الحشو نضيف ليه زيتون مقطع وشوية الحامض مصير مقطع رقيق
 ناخدو الكريب نوضعو الحشو 
 فوقو طريف فروماج سندويش 
 ثم نلوي الكريب مثل هذا الشكل بحال السيكار
 نفس الطريقة للباقي 
 مين نبغيو نقدموهم نضغطو عليهم فالة البانيني او نغمسوهم فالبيض ونوضعوهم فالخبز المحمص ونقليهم فالزيت
ونقدمهم
بالصحة و الراحة

ليست هناك تعليقات:

إرسال تعليق