كيك بالبنان و اللوز
هاد الكيك ساهلة ولذيذة بزاااااف نتمنى من الله سبحانه تعالى انها تعجبكمهاد المقادير ديال 2مقالي ديال 15 سنتم او وحدة ديال 18 سنتم
اذن على بركة الله المقادير
2 بنانات (موز)
ربع كاس ديال اللبن(حامض)
160 غ طحين
2م ص خميرة دالحلوة
ربع م ص بيكاربونات الصوديوم
شوية دالملح
60 غ زبدة فحرارة المطبخ
80 غ سكر
نص م فاني
ربع م ص روح اللوز
2 بيضات صغار او بيضة حجمها كبير
30 غ لوز مطحون اختياري
نسخنو الفرن على 350 درجة (متوسط)
ندهنو المقالي ديالنا و نرشوهم بالطحين
نطحنو البنانثم نزيدو عليه اللبن ثم نخلطوهم مزيان و نحطوهم على جنب
نغربلو الطحين و الملح و الخمائر
فالطراب نطربو الزبدة حتى تكريما ثم نضيفو السكر بشوية بشويةنطربو مزيان
ثم نضيفو الفاني و روح اللوز و حنا كنطربو
نضيف البيض و نطربو مزيان
ثم نضيف دفعة من الطحين المغربل
و دفعة من البنان المخلط مع اللبنثم دفعة ديال الطحين و دفعة ديال البنان
ثم كنضيفو اللوز المطحون
كنديرو الخليط فالمقالي ديالناوندخلوهم للفرن ل 30 حتى ل40 دقيقة
ها هما منين خرجتهم
منين خرجتهم من الفران زولت داك الشي لي كان وايد من الفوق باش تكون عندي كيك مقادةمنين بردت قسمت الكيكات ب 2 و سقيتهم بللسيرو
طربت الكريم فريش وزدت عليه غاناش ديال الشوكولا كانت واجدة عندي و زدت عليه اللوز محمر و مطحون
عمرت بهاد الكريم الكيك ديالي دخلتها للتلاجة باش تشد راسها مزيان
منين خرجتها دهنت وجها بالكريم و رجعتها للثلاجة
غلفتها بالباستياج او الفوندو و ها هيان شاء الله نحط الوردة قريب هي وطريقة عمل الباستياج خطوة خطوة ان شاء الله
في امان الله
ليست هناك تعليقات:
إرسال تعليق