امي, الدجاج, الفاخر, بحال, على, طايب, طاجين
تم التثبيت بتاريخه
أم هنية ومنصف
السلام عليكم وعواشركم مبروكة جميعا
طيبت طاجين ديال الدجاج وحبيت نشارككم
الماقدير :
دجاجة
2بصلات كبار مشلضين
1حامضة مصيرة
1 ربطة معدنوس
3 ريوس ثوم
زلافة صغيرة زيتون بلا عضم
1زلافة صغيرة زبيب + مشماش
نصف كاس زيت
1 كاس ماء
2 زعفران
2معالق صغار عطرية مخلطة 1
ملحة حسب الذوق
1معلقة صغيرة بزار
شوية قرفة
هذه صورة فيها كل شي
هذا الطاجين كبير حجم 4 حتى 6 اشخاص
دجاجة ننقية مغسولة مزيان + مغسولة بالما والخل والملحة
2بصلات مشلضات
كاس ونصف ما +نصف كاس زيت
المعدنوس+ الثومة مفرومة +نصف حامضة مقطع و+ونصف الاخر مشلض
الزبيب والمشماش منقيين ومغسولين
الزيتون بلا عضم خاص لهذا الطاجين(لان الدجاج كايجيه الزيتون بلغضم)
قرفة +ملحة +عطرية+بزار+زعفران
الزيت يسخن في الطاجين
نرقد الدجاج في العطرية وشوية معدنوس + شوية ملحة وزعفران وما وبزار
نخلطو مزيان ونخليه مرقد
فاش يسخن الزيت نحط الدجاج في الطاجين
نزيد القرفة +العطرية لبزار الملحة
نزيد الحامض لمصير +الثومة والمعدنوس
نخلط ونخليه يتشحر
نشد الباقي من العطرية ولبزار وشوية ملحة وشوية معدنوس والزعفران ونخلطهم مع البصلة مزياان
فاش يتشحر نضيف البصلة
نضيف الزيتون
نضيف الزبيب + المشماش
نضيف الحامض
نضيف لبزاار(الما حيب كل طاجين كاين الي يشرب بسرعة وكاين اللي مايشرب انا هذ الطاجين كايشرب زدت ماس كل مرة شوية حتى طاب وتشربو مزياان
ونسد ونخليه يطيب على نار هادية
هاهوا فاش طاب نمسح لجناب
بالصحة والراحة
هنا فاش كان الطاجين يطيب وجدت واحد الدجاجة ورقدتها ودخلتها للمجمد وغادي نوريكم طريقتي
هذا لستيك باش نربط الدجاج
نربطها
لقشاوش مقطعين صغار+ العطرية والملحة والزعفران + المعدنوس البصلة والثومة والحامض
نطحن كلشي
نخلطو
نرقد الدجاجة مع لقشيوشات
ندخل الشرمولة في الصدر بعد ماثقبتو بالموس
ندخلها للبلاستيك والى المجمد
