اليوم جبت ليكم شهيوة لذيذة وتستاهل تجربوها دغيا كتوجد و تصلاح كديسير يلاه نخليكم مع المقادير
500غرام جبنة الماسكاربون
20 سنتيليتر قشدة طرية
2 بنان
حليب مركز محلى كاراميليزي
3 معالق كبار سكر كلاصي
1 سكر ڤاني
بسكوي سبيكيلوز
50غرام زبدة ذايبة
حبيبات الشكلاط للتزيين
اول حاجة ناخد البيسكوي نزيد عليه الزبدة (للتدكير نخلي جهد معلقة كبيرة ديال الزبدة حيت نحتاجها من بعد) ونخلط مزيان ونديرو في قاع المول لي كيتفتح وندخلو للثلاجة
وفي هاد الوقت نكاراميليزي البنان
نقطع البنان دوائر نعملو في المقلة ونزيد عليه 2 معالق كبار ديال الحليب المركز المحلى كاراميليزي والمعلقة لي خليت ديال الزبدة ونبقا نحرك على نار مهيلة تايتكاراميليزا البانان
نجبد المول من الثلاجة ونستف فوقو البانان وماتبقى من الحليب المركز المحلى كاراميليزي ونقادو بالسباتيل تايتقاد الوجه ديالو ونعاود نرجعو للثلاجة
دابا نحضر الكريمة لي كتجي من الفوق
كناخد الماسكاربون والقشدة الطرية ونطربهم تايطلع الخليط ونزيد عليه الڤاني والسكر كلاصي ونزيد نخلط
صافي ونعملو في poche à douille ونزوق بيه
نرشو بحبيبات الشكلاط وندخلو للثلاجة يبرد ويجمع راسو 2 ساعات على الاقل
وهادا شكلو النهائي
